الخرطوم- الساقية برس:
أكد نائب رئيس مجلس السيادة الفريق محمد حمدان دقلو حميدتي، خلال مخاطبته حشداً جماهيرياً بشمال بحري بولاية الخرطوم، تمسكه بالاتفاق الاطاري وقال : إنه لم يقم بصياغة الاتفاق الإطاري وقال : هنالك من يقول ان الموضوع الماشي ده انا راعيهو واضاف : أولاً أنا وقعت علي الوثيقة فقط ووجدت أطراف التوقيع جاهزين ومحددين وحينها انا كنت في مدينة الجنينة وبعد العودة وقعت فقط على الوثيقة .
وقال حميدتي هنالك وثيقة موجودة وجاهزة في الأدراج ، موكدا التزامهم التام بالوثيقة الإطارية واضاف: هذا عهد وقعنا عليه وسنوفي به، إن العهد كان مسؤولا .
ونصح بالتمسك بالاتفاق وقال : اذا ما عاوزين البلد تتفرتق وتجوط المخرج من الازمة في الاتفاق الاطاري واضاف :الاطاري فقط ماف غيرو وتابع: الناس البتقول الوضع يستمر نقول لهم نحن خلال 13 شهر و15 يوم ما شكلنا حكومة والآن مرتبات مافي
وزاد : أي زول عاوز “يكنكش” في الوضع الحالي نقول ليهو الموضوع ده مابمشي لي قدام مافي مرتبات والدولة لاتستطيع دعم الانتاج.
وتابع : الناس البقولوا الاتفاق الاطاري الموقعين عليهو ناس بسيطين نقول ليهم انتم من حددتم الموقعين وسألناكم حينها هل يستقيم هذا الامر اجبتم بنعم وسألناكم مابتنطوا قلتوا مابننط ولذلك نحن نقول والله مابنرجع وراء . وطالب الادارات الاهلية والطرق الصوفية بدعم الاتفاق الاطاري
