محمد الصادق:
الشئ الذى لا شك فيه أبدا هو وقوف كل الشعب السودانى بمختلف الوان طيفه خلف قوات الشعب المسلحة وهو يخوض معركة الكرامة والصمود فى محاور القتال بالبلاد . ووقوف الشعب مع أبطالنا البواسل يمثل قوة الدفع الحقيقية لهم وهم يقدمون أرواحهم الغالية ودمائهم الطاهرة فداء للأرض والعرض . كيف لا وقد قيل عن جيشنا ..
جيشنا جيش الهنا
الحارس مالنا ودمنا
سعدت كثيرا والكثيرين من أبناء وطننا العزيز يتبارون وينظمون الشعر والنثر لجيشنا العظيم . وأعجبنى أمس المسدار الذى نظمه الأستاذ ابو عثمان من المملكة السعودية وهو يساند الجيش وقد قال:
الجيش الجسور ده مكانتو ما بتتعوض
يوم دق النحاس أنا عندي أصلو مفوض
ربك سخرو بنيانا ما بتقوض
أب عينين حمر اللا دقس لا غمض
…….
اجغم جب جغم فوق التمرد حرا
بي مدفع تقيل ضربا يزيدنا مسره
تسمع ليهو يسو جو جو موفق مرة
أحسن للعدو يرمي ويفك الفره
……..
يا دعم العدو البل ده كيف يا عزت
أبكي بكاك شديد اركانو تب اتهزت
يوم العركة في يوم الدواس كم حزت
عشرات الرؤوس من كل دعمك جزت
…….
رصاص قصطير مولع والشرار مدوي
هاوزر وهاونات رص الكتايب وسوي
في الميدان ثبات والجو نسورو تحوي
والداير البلا بندقو لمن إعوي
…..
يا حميدتي البليد جبت الخراب بي ايدك
تابع مرة تانية قحت الاطاري وسيدك
كان فاكر التمرد في بلدنا بفيدك
اقرأ وطالع التاريخ وشوف تحديدك
