السيد والي ولاية نهر النيل نرجو أن لا تعنس المستشفى

بقلم/ محمد علي حامد الراو:

أنت يا الكبرتوك البنـات فاتوك في القطار الفات قومي شوفي بنات قومك سبقوك على كومك أنتي يا الولدوك للولاية هـدوك إنت عز و فخار،، خلاص كبرتي وليك تسعطاشر سنة

الحكاية دي بي صمتا حصلت علينا، عندنا واحد صاحبنا خطب ليهو بت جميلة خلاص ( نجفة) وهو ما عندو قروش قام طفش 20 سنه وهي اتبهدلت وفجأة جاها ود حلال جادي وباركوها ليهو ولمان خلاص قعدوا لي العقد ظهر خطيبا الأولاني وقال انا خلاص جيت دايرا
العقال في الفريق شافو للعريس الجديد عروس جديدة حلوه خلاص وقالوا للقديم خلاص اقعد النعقد ليك عليها
قال ليهم ادوني مهلة شوية قالوا ليهو كم؟؟؟؟
قال ليهم 20 سنه بس قالوا ليهو خلاص نعرسا للجهاز ده و نديك بتها قال ليهم لا لاإ لا هيا المهم هو مات والعروس عنست.

أولا نحي رجل البر والإحسان كمال ابراهيم أحمد عبدالله بطران صاحب بوهيات المهندس ونترحم على روح الوالدة مقبولة فقد انعش وحرر سوق مستشفى الشهيد عمر محذوب البشير.
وتحية للسيد والي ولاية نهر الليل فقد منح بوهيات المهندس موقع ممتاز in the Golden area بالدامر
وكذلك نشيد بقرار السيد وزير الصحة الاتحادية البروفسير هيثم محمد ابراهيم بعزم الوزارة الاتحادية على تكملة المستشفى بنفس الغرض الذي أسس من أجله وهو مستشفى للطوارئ والإصابات يخدم الطريق القاري من شرق السودان إلى غرب السودان
كلام مثل الذي يخرج من بطون النحل.

وسرنا جدا تصريح الدكتور ماجدة وزير الصحة بولاية نهر النيل بأنها سوف تشرع فورا في إكمال هذا الصرح
دعواتنا لها بالسنةيق ونرجو أن لا تكون المهلة
20 سنة وتموت الحكومةو تعنس المستشفى.

والكرة الآن في ملعب المحلية للمتابعة اللصيقة